Istoryang OA: Video Stories of OA Practitioners from Sibagat, Agusan del Sur

on

Sharing here video stories of real people of real experiences in natural and organic farming. Click and Watch! 

1. Kapitan Arnold Pilapil, Mag-uuma Organiko

Usa si Kapitan Pilapil sa nagpaambit sa iyang kasinatian, pagtulun-an ug mga sugyot panahon sa Organic Congress nga gipahigayon sa Lungsod sa Sibagat atol sa week-long Bagat Festival ug Foundation Day Anniverary niini. 

 
Si Punong Barangay Evangeline Pulleros sa Barangay Ilihan, usa ka proud OA farmer!
Iyang gitestimonya nga aduna'y dakong kaugmaon ang organikong pagpanguma, dala ang iyang determinasyon ug pagkugi. 
 
 
Kabalo ba ka nga sugod bata pa gusto na mahimong usa ka mag-uuma si Vice Mayor Maria Liza Evangelista? Ug karon iya nang natuman iyang pangandoy pinaagi sa organikong pagpanguma!
Ang tanang mga hagit sa pagpanerbisyo publiko isip usa ka Bise Mayor, wala mibabag sa hugot niyang pagsulong sa malahutayong agrikultura.
Isip babaeng mag-uuma, ang pangandoy niya dili lamang para sa iyang kaugalingong pamilya kun dili para sa tanang mga Sibagatnon. 
 
 
Si Melchor Pajota sa Barangay Afga, usa sa nagpaambit sa iyang kasinatian, pagtulun-an ug mga sugyot panahon sa Organic Congress nga gipahigayon sa Lungsod sa Sibagat atol sa week-long Bagat Festival ug Foundation Day Anniverary niini.  
 
 
Veronico Cuerbo sa iyang sugyot isip Organic Livestock Farmer.
Kini usa ka inspirasyon sa atong mga Sibagatnon to GO ORGANIC! 
 
 
Usa si Kapitan Arneil Abuzo sa Brgy Afga ang nagpaambit sa iyang kasinatian, pagtulun-an ug mga sugyot panahon sa Organic Congress nga gipahigayon sa Lungsod sa Sibagat atol sa week-long Bagat Festival ug Foundation Day Anniverary niini.  
 
 
Si Alan Dahan, usa ka proud organic livestock farmer sa Barangay Kolambugan.
Iyang gitesimonya ang organikong stratehiya diin iyang nakita ang kalambuan ug kaayohan sa iyang organic farm.
 
 
Si Rodel Nerio ang usa ka kugihan nga batan-on nga nagsunod sa agi sa pagpanguma sa iyang ginikanan.
Ngadto sa Purok 15, Barangay Poblacion, wala nagduha-duha si Rodel nga dawaton ang dakong responsibilidad sa pagpadagan sa ilang pinyahan nga dugay nang gipundar sa iyang pamilya.
Kauban nato si Rodel sa adbokasiyang OA ug siya ang nagsilbing ehemplo sa mga kabatan-onan sa pag-awhag nga kinahanglang matun-an ug ma-experience ang Organikong Pagpanguma. 
 
 
Did you know that Magsaysay Elementary School - Sibagat I bagged 3rd place during the Division-Wide Gulayan sa Paaralan Contest last year?
Ali, atong balikan ang video sharing sa atong ika-tulong Farmer Sharer, si sir Babyboy Bautista sa Barangay Magsaysay, ang nanguna sa ilang maanindot nga Gulayan sa Paaralan Program!
 
 
 Si Reynand Flora usa ka backyard tilapia hatchery operator nga nalangkob sa SAAD Program sa BFAR, inubanan usab sa mga programa sa probinsyal ug lokal nga panggamhanan. Siya kasamtangang naggamit og organikong pagkaon para sa iyang mga tilapia. 
 
 
Si Honorable Ester L. Diaz, usa ka Barangay Kagawad sa Barangay Afga. Usa usab siya ka mag-uuma nga miyembro sa Women in Organic Agriculture sa lungsod ug LG Farms. Gipakita ni Hon. Diaz unsa ka mahinungdanon ang usa ka babaye sa katilingban nga nalangkob sa organikong pagpanguma. Siya ang nagsilbing inspirasyon sa ubang mga inahan nga adunay kasingkasing nga mutabang dili lamang sa iyang pamilya, kun dili pati na usab sa iyang komunidad.
Atol sa selebrasyon sa National Women’s Month, giselebrar ug kanunayng mapasalamaton ang lokal nga panggamhanan sa tanang mga kababayin-an lakip na kay Hon. Diaz nga nagpakita sa iyang gugma. 
 
 
Si Ronaldo Cubillas usa ka retired seafarer nga nag-uma sa Barangay Mahayahay. Matod niya, sa iyang pagpaningkamot nga mulahutay ang pagpadako sa mga binuhing manok, iya kining gilangkob sa mga prinsipyong organiko.
 
 
Si Ranny Cuerbo, usa ka young farmer nga sikat isip supplier sa chemical-free talong sa Taboan sa Sibagat ngadto sa Bagat Festival Center.
Ngadto sa atong 3rd SOAC, si Ranny nang-awhag sa mga kabatan-onan nga musulay og pagpanguma tungod kay lingaw kini ug maka-income usab ang ang matag-usa.
 
 
Ania nag istorya sa atong Farmer Sharers gikan sa San Isidro II, Afga, Banana Growers Association (SIABGA) atol sa atong 3rd Sibagat Organic Agriculture Congress, kaniadtong Enero 29.
Dili gayud ikalimod nga dagko nga mga ektarya sa yuta ang gi-ugmad sa atong mga mag-uuma sa SIABGA nga luwas sa kemikal. Ang Lokal nga Panggamhanan makanunayong nagsuporta kanila sa nagkalain-laing pamaagi.
 
 
Community Gardens nga luwas sa kemikal, mao ang nagpakunhod sa malnutrition rate sa Barangay Ilihan. Matod ni Punong Barangay Evangeline Pulleros, langkob sa resolusyon sa maong barangay ug ordinansa sa lungsod, ilang gi-implementar ang feeding program nga naggikan sa ilang community gardens.
 
 
Social Action Center langkob sa Organikong Pagpanguma ang usa sa mga inisyatiba sa San Isidro Parish, Barangay Afga, Sibagat, aron sa pagtabang sa mga katawhang nanginahanglan.
Si Rev. Fr. Robertus Bijaksana ang nangulo sa ilang Bahay Buhay Program inubanan sa suporta sa mga parokyano mahitungod pagpangumang luwas sa kemikal. Isip parokya ni San Isidro Labrador, diin giilang usa ka mag-uuma ug matinabangon sa mga kabus, nahimong inspirasyon kanila nga magpadayon.

 

 

Comments

Post a Comment