Source: Nanay Amancia, Lady Mag-uuma
Si Nanay Amancia, 69 anyos, dugay nang nag-uma sa Barangay Mahayahay.
Siya nagsilbing inspirasyon sa iyang 12 ka mga anak kay siya mismo ang nangulo sa ilang panginabuhian pinaagi sa luwas sa kemikal nga pagpanguma.
Isip Purok President gikan 2010 hangtod karon, gipakita ni Nanay Amancia ang kaayo isip usa ka lider nga nagpasiugda sa ilang Communal Garden sa Purok 1 ug nahilakip na iyang kaugalingong backyard garden.
Gusto ni Nanay Amancia nga mamahimong sustenable ang kakuhaan sa ilang pagkaon nga walay halong kemikal. Matud niya, mukabat sa 10 kilos ang kada niyang harvest sa iyang tinanom nga mga Talong.
Karon usa na siya ka malipayong supplier sa Talong ngadto sa atong Taboan sa Sibagat.
Sa maayong kasing-kasing, ang sobra sa iyang abot, iyang ginabaligya o ginapanghatag sa iyang mga silingan.
Tungod ani nga inisyatibo, nadasig usab ang iyang kasilinganan nga magtanom og mga gulay sa kaugalingong natad aron personal nga makunsomo ug siguradong luwas nga pagkaon.
You should be happy because Nanay Amancio’s Talong is CHEMICAL-FREE!
-----------
Ang Farmer of the Week nga media releases sa Sibagat Municipal Agriculture pinaagi sa socmed account nga Sibagat Go Organiko nagpaila sa mga istorya sa mga individual nga mag-uumang midangop ug nag-practice sa organic ug natural farming. Kabahin kini sa kampanya ug flagship paradigm shift sa lungsod ngadto sa Organic Agriculture-AgroEcoCultureTourism nga kombinasyon.
Comments
Post a Comment