OA Core Team nibisita sa New Tubigon niining petsa 3 sa Mayo 2023. Tumong ug katuyuan sa maong pagbisita nga mag-profile ug mag-validate sa mga kasamtangang natural farmers ug mga buot mo-avail sa programa ug serbisyo subay sa kampanyang Organikong Agrikultura sa lungsod.
Makita sa mga hulagway mao ang mga potential alang sa farm and agro-tourism nha mga fishpond nila Allan Senica ug Malie Agripo. Aduna usab uban pang mga practitioners sa dapit alang sa laraw nga farm tourism.
Gawas pa kini nga mga serbisyo sa pagpalambo sa Pinandagatan Falls o pagpalambo sa Turismong potensyal sa natural nga bahandi sa New Tubigon.. Gilauman nga pinaagi sa pag-avail sa Ecotourism and Cultural development uban ang Organic Agriculture nga programa sa kagamahan paspas nga maka-avail sa mga imprastraktura ug Serbisyong panginabuhian ang nasangpit nga Barangay ingon man ang mga silingang barangay sa banika nga apil usab makabenepisyo sa paspas na unya nga koneksyon sa kadalanan ug mga serbisyo.
Nanguna sa team mao si Miss Cherry Estacion, ang Organic Agriculture focal sa buhatan sa Agrikultura sa lungsod sa Sibagat.
Ang Brgy New Tubigon mao ang unang gipalambong pilot site sa flagship Agro-Eco-Cultural Tourism development program sa lungsod nga kabahin sa mga sukdanan sa buot niining kab-uton nga mamahimong sentro sa Organikong Agrikultura sa rehiyon sa Caraga nga dungang gipalambong balik ang kinaiyahan ug pagpromotar sa kultura sa nagkalain-laing tribu ug kagikang Sibagatnon.
Alang sa mga dugang kasayuran, sibya ug serbisyo kalabot sa Organikong Agrikultura subaya ang buhatan sa Municipal Agriculture o ang ilang official nga fb platform Sibagat GO Organiko .
Comments
Post a Comment