Sa
paglambo sa komunidad dakung bahin ug pundasyon ang dasig nga
paritisipasyon o pagsalmot sa mga sektor ug katawhan. Gikan sa pagsuta
sa mga nag-unang panginahanglan, paghatag ug prayoridad, pagpatuman sa
mga balaod hangtud sa paglahutay sa mga programa ug serbisyo. Dugukan sa
katilingbanong pag-abante ang buhi nga pagsalmot sa katawhan uban sa
pagtamod sa mga prinsipyo sa maayong pagdumala sa liderato sa lokalidad.
Dugang
pa, ang katawhang nagtaas ang kahimatngon ug katakos diha sa
katilingbanong katikaran timailhan sa buhi ug abling pagpamuno-lokal.
Ang
People's Summit 2024 mao ang paghatag ug kahigayunan alang sa
nagkalain-laing organisasyon, sektor ug hugpong nga mag-tagbo o magbagat
alang sa:
1. Dugang pagkat-on sa mga mekanismo sa lokal nga kagamhanan alang sa paritisipasyon ug representasyon
2.
Bayloay sa mga hunahuna ug dugang kahibalo lambigit sa kamahinungdanon
sa aktibong paritisipasyon sa katawhan sa lokal nga pagdumala
3.
Maghisgot alang sa mga nag-unang hisgutanan sa mga sektor, komunidad ug
tibuok lungsod nga nagkinahanglan ug tukmang lakang uban ang mga
kongkretong rekomendasyon.
4. Makaplastar ug mga prayoridad alang sa mga posibleng partnerships sa mga ahensya ug mga hugpong.
5.
Maestablisar ang aktibong mekanismo nga modala sa nahiusahang people's
priority agenda ngadto sa nagkalain-laing hawanan sa panggamhanan.
Ang
People's Summit dili seremonyal nga kasaulugan lamang sa mga katakus ug
kadasig sa mga katawhan ug komunidad, daku kining lakang alang sa
kolektibong pagsabot sa kahimtang, pag-duso sa mga rekomendasyon, ug
pagpadayag sa buhing tampo alang sa Malahutayong Sibagat.
Kitakita kita sa petsa 31 sa Enero 2024.
#bagatfestival2024 #peoplessummit
Source: Bagat Festival People's Summit
For more information and updates on the Bagat Festival 2024 events and fresults, check BAGAT Festival, Turismo Sibagat and Sibagat Angat fb accounts and other official social media platforms.
Comments
Post a Comment