Jannylyn, MADIskarte

MADIskarte

"Daghang pamaagi sa pagkab-ot sa atong mga pangandoy sa Kinabuhi ug dili babag ang kapobrehon, kugi lang..."

Namathan ug buot sa kalibutan nilang upat ka managsoon ang panguma nga panginabuhian sa ilang mga ginikanan.

Mao nga kabahin sa pag-abag sa panginabuhi, sa sayong bahin sa Kinabuhi niini si Miss Jannylyn Java nabansay na sa pagpaninda. Sa bakanteng mga adlaw mamaligya kini sa ilang produkto sa tabuan Aron adunay ikapalit kunsomo ug pangbaon sa skwelahan

Matag semana mouli kini sa ilang komunidad sa Barangay Kioya, Sibagat baktason ang pito (7) ka kilometro hangtud na ni nahuman sa high school kay sa Poblacion man nagtungha.

Daan gyung may hiyas na sa kakugi ug mamugnaon sa pag-abante kay sa college nag-working student kini. Apan human sa duha ka tuig nisulay kini ug panimpalad sa gawas sa nasud. Apan Wala pud nagdugay, nakahukom kini nga mopauli ug motiwas sa pagtungha.

Pila ray dagan sa istorya nanarbaho siya sa LGU isip contractual worker. Human sa Isa ka tuig ni-apply sa DOH ug dangtan upat ka tuig nahimong regular isip Midwife (Midwife II) sa lungsod sa Sibagat.

"Gamiton nato ang kapobrehon isip hagit aron makab-ot ang atong mga pangandoy sa Kinabuhi ug mahayag nga kaugmaon alang sa atong mga anak," matud pa ni Jannylyn sa pagpakighinabi kaniya sa Bagat Notes.

Breadwinner sa pamilya si Jannylyn ug mapasigarbuhong full-time government worker samtang online businesswoman kini ug nagdumala usab sa samang higayon ug catering services. Ang pinakabag-ong giablihang kapaninguhaan niini mao ang Xy-Jan eatery nga sa panahon sa weekend adunay paghatag ug kahigayunan sa mga lokal nga talents sa Agusan del Sur nga mopasundayag ug mo-income usab.

Padayong nagasuporta si Jannylyn sa iyang pamilya gawas sa iyang mga anak. Gani kalipay na usab niini nga masuportahan ang iyang igsoong kasamtangang nagtungha sa kolehiyo.

Sa iyang health station nga nadestinohan, dasig usab kini nga nagoatuman sa iyang tahas ug responsibilidad. Mamugnaong nagpalutaw ug mga pundo alang sa pagpalambo sa community health center ug alang sa mga Barangay Health Workers nga mga kalihukan. Pipila niini mao ang pag-imbita ug mga music bands para sa concert for a cause ug uban pa.

Ang kalisod nga giagian, agii ra ayaw punduhi. Himoong hagit ug panukaran sa pag-abante sa personal ug pangkatilingbanong paglambo.

mga KANAAS / istorya sa Kadasig

Women's Month 2024 features

#BabaeKaHindiBabaeLang #sibagatknown #WomensMonth2024 #SustainableSIBAGAT #balikgubat #palasang #organicagriculture

Ayaw kaulaw ug share