Planet vs Plastics?
It will only become true if we truly get rid of plastic (pseudo, fake, temporary) solutions.
Kung gusto gani nimo tangtangon sa imong life ang mga peke ug plastic nga tawo unsa pa kaha ang Kalibutan.
Ang pagbatok sa labihang Krisis sa Kinaiyahan nga miepekto sa krisis sa panginabuhian, panglawas ug Kinabuhi sa Katawhan mahimong epektibo lamang pinaagi sa pag-rekonstrak sa gambalay sa Ekonomikanhon, Politikanhong ug Katilingbanong Kultura o gawi sa pagtratar sa Kinaiyahan ug Katawhan.
Hangtod nga peke o plastik nga Kalambuan (nga ginansya ug ihap sa kwarta ug ginansya) ang gambalay ug naa sa pipila lamang Ang kontrol sa gahum ug bahandi, mas nahaduol ang Kalibutan sa wala nay pag-alim nga Krisis.
Mas mosamot ang hulaw ug kamatay sa gutom, uhaw ug kawad-on nga direktang apektado niini ang Daan nang mga nag-antos nga seksyon sa Katilingban.
Bisan ang pagpananom ug kahoy kulang na nga Solusyon sa Krisis sa Kalibutan karon. Nagpadayon ang mina nga nagbungkag Bisan sa mga estratehikong kabukiran alang sa buhi nga Kinaiyahan ug Kinabuhi.
Nagpadayong ang mga balaodnon dapig sa ginansya ug dili sa mga nanalipod sa Kinaiyahan sama sa mga advocates ug Lumad o Indigenous People. Ang pagpamunit sa mga basura ug pagdumala niini taphaw na nga solbad. Nagpadayon ang pag buga ug kemikal nga aso sa mga dagkung planta. Nagpadayong gitugutan ang petrokemikal nga pagpanguma. Sa mubong pagkasulti pa, padayong gitugutan ang pagpatay sa Kalibutan. Ug ang mga kabus mao pay pasanginlan.
Hinanali ug Matngon nga mga aksyon na ang kinahanglan.
HUWAG KANG PLASTIK!
BUNAL!
remo camote / april 22, 2024
Comments
Post a Comment