Malampusong
natigayon ang Tree Growing o paLASANG 4.0 sayo sa buntag karong adlawa
(Abril 22) didto sa Purok 9A, Poblacion, Sibagat, Agusan del Sur. Kini
nga inisyatiba gi-organisa sa PALASANG (Panaghiusa sa Katawhan alang sa
Pagpahiuli sa Lasang) agig pagsalmot sa lain-laing kalihukan sa tibuok
Kalibutan atol sa Earth Day 2024 nga gisalmotan sa nagkadaiyang mga
organisasyon sa lungsod.
Sa usa ka seremonya gopresentar ang tumong sa paLASANG 4.0 ingon man ang pagpasabot sa kalihukang PALASANG.
Uban
usab niini ang seremonya sa pag-intrigo ug pagtugyan kang Pastor Victor
Pacullo Ang tag-iya sa Luna nga gitamnanan sa kaakuhan sa pag-atiman.
Malipayon usab kini nga gidawat ni Pastor Pacullo.
Mahinungdanon
kini alang sa PALASANG tungod sa mga nanglabyang pagtulun-an nga nausik
ang hago, panahon ug seedlings tungod sa kakulangin sa pagseguro nga
maatiman ang mga binhing gitisok.
Mikabat sa dili moubos 29 ka punuan sa prutas nga Durian ang natanom sa maong kalihukan.
Gipangunahan
usab sa Nagkahiusang Mag-uumang Organiko o NAMAO ang preparasyon
hangtod sa pagpasabot sa proseso sa pagtamom sa pagseguro nga mabuhi.
Ang NAMAO usab ang tinubdan sa mga seedlings gikan sa ilang livelihood
nursery.
Mapasalamaton ang PALASANG sa makanunayong suporta sa goberno-lokal ug ubang mga organisasyon sa lungsod.
Mirepresentar
sa lokal nga kagamhanan sila Sangguniang Bayan Members Gines Coranes ug
Roland Vergara nga uban usab sa mga sponsoring individuals and
organizations sa seedlings.
“Daku
ang among pasalamat sa mga mitubag sa awhag sa pagpananom, sa mitugyan
ug hawanan nga katamnan ug midawat sa kaakuhan nga atimanon ang mga
gitanom ug sa mga mosalmot pinaagi sa pag-sponsor sa seedlings nga diin
naghatag usab ug income sa livelihood project sa lokal nga
organisasyon,” pahayag sa PALASANG President Rev Pedro P. Fenis, Jr.
“Padayon
kitang magbagat alang sa Pagpahiuli sa Lasang, alang sa Malahutayong
Kalambuan, alang sa Malahutayong Kaugmaon,” dugang ni Rev Fenis.
#paLASANG4.0
#MalahutayongKalambuan
#EarthDay2024
Photos and updates by:
Alyza Bañez Bebis
Vince Stalon
PALASANG
April 22, 2024
Read previous statements of PALASANG:
Earth Day 2024
On extreme hot weather
Comments
Post a Comment